By December 30, 20170 CommentsReport

ஜப்பான் மொழியில் பாகுபலி 2..!!

எஸ்.எஸ்.ராஜமவுலி இயக்கத்தில் பிரபாஸ், அனுஷ்கா நடிப்பில் உருவான பாகுபலி 2 திரைப்படம் இந்தியாவில் வசூல் சாதனை படைத்தது மட்டுமல்லாமல் சர்வதேச சந்தையையும் குறிவைத்துக் களம் கண்டுவருகிறது.

இந்தியத் திரைப்படங்களுக்கான சந்தை இந்தியாவில் மட்டுமல்லாமல் உலகளவில் விரிவடைந்துவருகிறது. இந்தியர்கள் அதிகம் வாழும் நாடுகளில் படங்கள் வெளியாவது மட்டுமல்லாமல் பல்வேறு நாடுகளில் மொழிமாற்றம் செய்து வெளியாகி நல்ல வரவேற்பைப் பெற்று வருகின்றன. தங்கல் படம் சீனாவில் உருவாக்கிய சந்தையை பாகுபலி 2 படமும் பயன்படுத்திக்கொண்டது. அங்கும் இந்திய படங்களுக்கான ரசிகர்கள் பெருமளவில் அதிகரிக்கத் தொடங்கியுள்ளனர்.

இந்நிலையில் பாகுபலி 2 திரைப்படம் ஜப்பான் மொழியில் டப்பிங் செய்யப்பட்டு இன்று (டிசம்பர் 29) டோக்கியோவில் வெளியாகியுள்ளது. இந்த தகவலை படத்தின் தயாரிப்பாளர் ஷோபு யார்லகடா தனது ட்விட்டர் பக்கத்தில் தெரிவித்துள்ளார். மேலும் ஜனவரி மாதம் ரஷ்ய மொழியில் டப்பிங் செய்யப்பட்டு ரஷ்யாவிலும் வெளியாகும் என்று தெரிவித்துள்ளார்.

சீனாவைப் போல ஜப்பான், ரஷ்யா ஆகிய நாடுகளிலும் பாகுபலி 2 திரைப்படம் நல்ல வரவேற்பைப் பெறும் பட்சத்தில் இந்தியப் படங்களுக்கான வலுவான சந்தை அந்த நாடுகளில் உருவாகும். அதன் மூலம் பெரிய பட்ஜெட் படங்கள் உருவாவதும் அதிகமாகும் என எதிர்பார்க்கப்படுகிறது.


Post a Comment

CAPTCHA
Refresh

*