By February 4, 20190 CommentsReport

சென்னையில் சிம்பு பிறந்தநாள் விழாவில் தனுஷ் நேரில் வாழ்த்து..!!

சென்னை கிண்டியில் உள்ள ஒரு விடுதியில் நடிகர் சிம்புவின் பிறந்த நாள் கொண்டாட்டம் நட்சத்திரங்கள் சூழ நடைபெற்றது. சிம்பு தனது நெருங்கிய நண்பர்கள் மற்றும் சினிமா நண்பர்களைக் கொண்டாட்டத்திற்கு அழைத்திருந்தார். இந்த வாரம் அவர் நடிப்பில் வெளியான ‘வந்தா ராஜாவா தான் வருவேன்’ படத்தின் வெற்றியைக் கொண்டாடும் விதமாகவும் அமைந்தது.

பிறந்தநாள் விழாவில் நடிகர்கள் தனுஷ், ஜெயம் ரவி, மஹத், ஹரீஷ் கல்யாண், நடிகைகள் யாஷிகா, ஐஸ்வர்யா தத்தா ஆகியோரும் கலந்துகொண்டனர். எஸ்.டி.ஆர் என எழுதப்பட்டிருந்த கேக்கை சிம்பு வெட்டியவுடன், தனுஷ் உள்ளிட்டவர்களுக்கு ஊட்டினார். இந்த வீடியோவை இசையமைப்பாளர் யுவன் சங்கர் ராஜா தனது முகநூல் பக்கத்தில் பதிவிட்டிருந்தார்.

இந்நிலையில் இன்று நடக்கவிருக்கும் இளையராஜா 75 இரண்டாம் நாள் இசை நிகழ்ச்சியில் அனைவரும் கலந்து கொள்வார்கள் என எதிர்பார்க்கப்படுகிறது.


Post a Comment

CAPTCHA
Refresh

*