By July 23, 20190 CommentsReport

தர்பார் பட வில்லனை மணந்த அஜித் பட நடிகை..!!

அஜித்தின் ஆசை படத்தில் ஒரு பாடலுக்கும், கண்டு கொண்டேன் கண்டு கொண்டேன் படத்தில் முக்கிய கதாபாத்திரத்திலும் நடித்தவர் பூஜா பத்ரா. மலையாளம், இந்தி படங்களிலும் நடித்துள்ளார். பூஜா பத்ராவுக்கு தற்போது 42 வயது ஆகிறது. பூஜா பத்ராவுக்கும், டாக்டர் சோனு அலுவாலா என்பவருக்கும் 2002-ல் அமெரிக்காவில் உள்ள லாஸ் ஏஞ்சல்ஸ் நகரில் திருமணம் நடந்தது.

அதன்பிறகு அமெரிக்காவிலேயே தங்கி குடும்பம் நடத்தினார். 2010-ல் கணவருடன் கருத்து வேறுபாடு ஏற்பட்டு விவாகரத்து செய்தார். அதன்பிறகு இந்தியா திரும்பிவிட்டார். இந்த நிலையில் இந்தி நடிகர் நவாப் ஷாவுக்கும், பூஜா பத்ரா வுக்கும் நெருக்கம் ஏற்பட்டது. இருவரும் ஜோடியாக சுற்றினார்கள். நவாப் ஷா தமிழில் கஜேந்திரா, போஸ், யான் ஆகிய படங்களில் நடித்து இருக்கிறார். ரஜினிகாந்துடன் ‘தர்பார்’ படத்திலும் நடித்து வருகிறார். பூஜா பத்ராவும், நவாப் ஷாவும் காதலிப்பதாக கிசுகிசுக்கள் கிளம்பின.

இருவரும் இந்த வருடம் பிப்ரவரி மாதம் தான் முதல் முறையாக சந்தித்தனர். புதுடெல்லியில் கடந்த 4-ந்தேதி குடும்பத்தினர் முன்னிலையில் இவர்கள் திருமணம் ஆர்ய சமாஜ் முறைப்படி நடந்து முடிந்துள்ளது. திருமண புகைப்படங்களையும் தகவலையும் தற்போதுதான் இருவரும் வெளியிட்டுள்ளனர். இவர்களின் திருமணப் புகைப்படங்கள் சமூக வலைதளங்களில் பலரால் பகிரப்பட்டு வருகின்றன.


Post a Comment

CAPTCHA
Refresh

*