By March 10, 20200 CommentsReport

கைகொடுக்காதீங்க.. கையெடுத்து கும்பிடுங்க – விவேக் சொன்னதை கொஞ்ச நாளைக்கு பாலோ பண்ணலாமா ?

இந்தியாவில் கொரோனா வைரஸ் பாதிப்பு அதிகமாகியுள்ள நிலையில் அதில் இருந்து தப்பிக்க நடிகர் விவேக் ஒரு யோசனை சொல்லியுள்ளார்.

சீனாவில் முதன்முதலாக கண்டுபிடிக்க கொரோனா வைரஸ் பாதிப்பு கிட்டதட்ட 4000 பேருக்கு மேல் காவு வாங்கிவிட்டு தற்போது உலக நாடுகளை அச்சுறுத்தி வருகிறது. இந்தியாவின் இதன் பாதிப்பு 40 க்கும் மேற்பட்டோரிடம் கண்டுபிடிக்கப்பட்டுள்ளதாக சொல்லப்படுகிறது.

இந்நிலையில் இந்த வைரஸ் தாக்குதலில் இருந்து தற்காத்துக்கொள்ள மக்கள் கைகளை சுத்தமாக வைத்துக்கொள்ளுமாறும், முகமூடி அணிந்து செல்லுமாறும் அறிவுறுத்தப்பட்டுள்ளன. இந்நிலையில் நடிகர் விவேக் கொரோனா பரவாமல் இருக்க ஒரு யோசனை சொல்லியுள்ளார்.

திருவாரூர் மாவட்டம் நெடுவாசல் கிராமத்தில் மரக்கன்றுகள் நடும் விழாவில் கலந்து கொண்ட நடிகர் விவேக் செய்தியாளர்களிடம் பேசினார். அப்போது ‘கொரோனா வைரஸ் காற்றால் பரவக்கூடிய வைரஸ் அல்ல, ஒருவருக்கொருவர் கை கொடுப்பதன் மூலமாக பரவுகிறது என மருத்துவர்கள் தெரிவித்துள்ளனர். அதனால் மக்கள் கைகொடுப்பதற்கு பதிலாக கையெடுத்து கும்பிடும் பழக்கத்தைக் கடைபிடியுங்கள்’ எனத் தெரிவித்தார்.


Post a Comment

CAPTCHA
Refresh

*