By April 9, 20210 CommentsReport

ஊருக்கு வெளியே சத்தமில்லாமல் நடந்த ஐஸ்வர்யா ராஜேஷ் திருமணம்! தீயாய் பரவும் புகைப்படங்கள்…ஷாக்கில் ரசிகர்கள்

தி கிரேட் இந்தியன் கிட்சன் ரீமேக்கிற்காக சென்னையின் புறநகர் பகுதியில் இருக்கும் ஒரு வீட்டில் ஐஸ்வர்யா ராஜேஷுக்கும், ராகுல் ரவீந்திரனுக்கும் திருமணம் நல்லபடியாக நடந்து முடிந்தது.

 

மலையாளத்தில் நல்ல வரவேற்பை பெற்ற தி கிரேட் இந்தியன் கிட்சன் படத்தை தமிழில் ரீமேக் செய்கிறார்கள். கண்ணன் இயக்கி வரும் அந்த படத்தில் ஐஸ்வர்யா ராஜேஷ், ராகுல் ரவீந்திரன் உள்ளிட்டோர் நடித்து வருகிறார்கள்.

 

இன்னும் பெயர் வைக்கப்படாத அந்த படத்தில் வரும் திருமண காட்சியை சென்னையின் புறநகர் பகுதியில் இருக்கும் ஒரு வீட்டில் ஷூட் செய்தனர். படம் குறித்து கண்ணன் கூறியதாவது,

 

ப்ரீ ப்ரொடக்ஷன் பணிகள் இரண்டு மாதங்களாக நடந்தது. எப்பொழுதும் நம்முடனேயே இருந்து, நம்மை கவனித்துக் கொள்ளும் பெண்களுக்கு நாம் முக்கியத்துவம் கொடுக்காதது வினோதமானது. இந்த படத்திற்கு நல்ல ஸ்கோப் இருக்கிறது என்று எனக்கு தோன்றியது. இந்த படத்தை பட்டிதொட்டி எல்லாம் கொண்டு செல்ல விரும்பினேன். அதனால் தான் ரீமேக் உரிமையை வாங்கி, வேலையை ஆரம்பித்துவிட்டேன் என்றார்.

 

ஐஸ்வர்யா ராஜேஷ் கூறியதாவது,

 

ஒரிஜினல் படத்தை அப்படியே மீண்டும் திரையில் காட்டுவது மிகவும் கடினம். அதனால் தான் நான் பல ரீமேக் படங்களில் நடிக்க ஒப்புக்கொள்ளவில்லை. ஆனால் இந்த படத்திற்கு நோ சொல்ல முடியவில்லை. நான் நடிக்கும் முதல் ரீமேக் படம். இந்த படத்தை தெலுங்கு, கன்னடம், இந்தி ஆகிய மொழிகளிலும் ரீமேக் செய்ய வேண்டும் என்று விரும்புகிறேன்.

 

க/பெ ரணசிங்கம் படத்தில் நடித்தபோது இளம் வயதில் திருமணம் செய்து கொண்ட பெண் ஒருவரை சந்தித்தேன். அவர் வேலை பார்த்து வந்திருக்கிறார். தோழியின் திருமணம் என்று சொல்லி மண்டபத்திற்கு வரவழைத்து அவருக்கு திருமணம் செய்து வைத்துவிட்டனர். தற்போதும் கூட கிராமங்களில் பெண்களிடம் சம்மதம் கேட்பது இல்லை என்று நினைக்கிறேன்.

 

இந்த சூழலில் கிராமங்களை சேர்ந்த பலரும் இந்த படத்தை பார்ப்பார்கள். ஒவ்வொரு பெண்ணின் சம்மதமும் எவ்வளவு முக்கியம் என்பதை புரிந்து கொள்வார்கள். ராகுல் பல காலம் கழித்து தமிழ் படத்தில் நடிக்கிறார். அவர் ஒரு இயக்குநர் என்பதால் கதாபாத்தித்திற்கு மேலும் வலுவூட்டுவார். கண்ணன் சாருடன் சேர்ந்து முதல் முறை வேலை செய்கிறேன் என்றார்.


Post a Comment

CAPTCHA
Refresh

*