அப்பாவையே மிஞ்சிய சூரியின் குழந்தைகள்… கொரோனா நிதி எவ்வளவு கொடுத்திருக்காங்கனு தெரியுமா?

நடிகர் சூரி முதல்வர் பொது நிவாரண நிதிக்கு தனது சார்பில் 10 லட்சம் ரூபாயும், தனது மகன், மகள் சார்பில் 25 ஆயிரமும் உதயநிதி ஸ்டாலினிடம் வழங்கியுள்ளார்.

 

தமிழகத்தில் கொரோனா தடுப்பு பணிகளுக்காக தமிழக அரசு பல்வேறு நடவடிக்கைகளை எடுத்து வருகிறது. கொரோனா பரவலை கட்டுப்படுத்துவதற்காக மாநிலத்தில் முழு ஊரடங்கு அமலில் உள்ளது. இதுபோக, தடுப்பூசி போடும் பணிகளும் நடைபெற்று வருகிறது.

 

நோய் தடுப்பு பணிகள் மட்டுமல்லாமல் நிவாரண பணிகள், நோயாளிகளுக்கு சிகிச்சை, முன்களப் பணியாளர்களுக்கான நிவாரணம் என தமிழக அரசு பல்வேறு திட்டங்களை அறிவித்து வருகிறது. இந்த தேவைகளை சந்திப்பதற்காக முதல்வர் பொது நிவாரண நிதிக்கு நன்கொடை வழங்கும்படி தமிழக முதல்வர் மு.க.ஸ்டாலின் கேட்டுக்கொண்டார்.

 

இதன்படி, முதல்வர் நிவாரண நிதிக்கு பொதுமக்கள், அரசியல் கட்சிகள், அரசியல் தலைவர்கள், தொழில் நிறுவனங்கள், திரைப் பிரபலங்கள் என பல தரப்பினரும் நன்கொடை வழங்கி வருகின்றனர்.

 

இந்நிலையில், முதல்வர் பொது நிவாரண நிதிக்கு நடிகர் சூரி 10 லட்சம் ரூபாய் நன்கொடையை காசோலையாகவும், அவரது குழந்தைகள் 25 ஆயிரம் ரூபாயை ரொக்கமாகவும் உதயநிதியிடம் வழங்கியுள்ளார்.

இதுகுறித்து உதயநிதி ட்விட்டரில், “நடிகர் அண்ணன் சூரி அவர்கள் ரூ.10 லட்சத்துக்கான காசோலையையும், தன் மகள் வெண்ணிலா – மகன் சர்வான் சார்பில் ரூ.25 ஆயிரத்துக்கான ரொக்கத்தையும் கொரோனா தடுப்பு பணிக்காக முதல்வரின் பொது நிவாரண நிதிக்கு இன்று என்னிடம் வழங்கினார். சூரி அண்ணன் அவர்களுக்கு என் அன்பும் நன்றியும்” என்று தெரிவித்துள்ளார். 


Post a Comment

CAPTCHA
Refresh

*